In stal tre pagin e merit lè dla Cristina
In stal tre pagin e merit lè dla Cristina
che la ja evidenziè la veritê e tot u sa mes in fila.

Nuvembar de domelaset che cun particulêra atènziôn
a jô let in Orione “la rivèsta”, e cun sudisfaziôn

cal tre pagin che a la Cristina a gl’je dedichêdi
utilizêndli molt bè, spieghênd a cal person che al ne infurmêdi

che nènc queli che i ciama, e cun raşô, e sess zintil
le molt purtè par chi strumént, guardê e fotografê al blez de zil.

La spiega molt bè i rişultet utnū cun cla paşiô
dimustrênd a e litôr che un é vera che e sia l’òman sol bô

e li la ja dimustrê che cun i rişultêt utnū che la la ja raşô
parchè las trova a su agio cun l’ultma tëcnologi, esclùdend la gestiô dla roba pēşa, la je breva indipartòt!

La ja tòt i requişí che ui vo a un astrôfil da sta staşô
cminzênd cun e compiuter al webcam, sacrifichêdas la gestês bè tòt cagl’uperaziô.

Breva Cristina, şgond a me... par me tè spieghê bè e pòst dal dón che ui spèta
e in cla rivèsta molt qualifichêda in materia, la dimustrê che cla strê la je drèta!

Valter Zoffoli
(novembre 2007)

torna alla pagina delle zirudele

© cfm2004